KTMT Ermənistana yeni üzvlük haqqı hesablayacaq

Rusiyanın Kollektiv Təhlükəsizlik Müqaviləsi Təşkilatındakı (KTMT) daimi nümayəndəsi Viktor Vasilyev Ermənistanın gələn il üçün təşkilata üzvlük haqqını ödəməkdən imtina etmək qərarına şərh verib.

"Operativ Media" Rusiya KİV-ə istinadən xəbərinə görə, siyasətçi bildirib ki, 2025-ci il üçün üzvlük haqqının məbləği hesablanacaq və hesab Ermənistana göndəriləcək.

İrəvanın 2024-cü il üçün KTMT-yə üzvlük haqqı 53.22 milyon rubl (təxminən 1.031 milyon manat - red.) təşkil edib. Respublika hakimiyyəti ölkənin təşkilatda iştirakının dondurulduğunu elan edərək bu məbləği ödəməkdən imtina edib.