Qarlı havalarda nəqliyyat hadisəsi zamanı sığorta şirkəti dəymiş zərəri ödəyirmi? - AÇIQLAMA

Bu gündən başlayaraq Bakıda və bölgələrdə qarlı hava şəraiti müəyyən çətinliklərə yol açıb. Rəsmi rəqəmlərə görə,  son 1 sutkada 100-ə yaxın avtomobilə maddi zərər dəyib. Sosial şəbəkə istifadəçiləri isə belə hallarda sığorta şirkətlərinin dəymiş zərəri ödəməkdən boyun qaçırdığını iddia edirlər. 

Məsələ ilə bağlı "Operativ Media"ya açıqlama verən sığorta eksperti İlkin Nəcəfov bildirib ki, nəqliyyat hadisəsi yol polisi tərəfindən qeydə alındığı halda, sığorta şirkəti dəymiş ziyanı ödəməkdən boyun qaçıra bilməz:

"Heç bir sığorta şirkəti dəymiş zərəri özbaşına ödəmir. Dəymiş zərəri qarşılamaq üçün Dövlət Yol Polisinin hadisəni qeydə almalıdır. Yol-nəqliyyat hadisəsində iştirak edən şəxslərin vəziyyəti, sxem, protokol qeydə alınmalı günahkar şəxs müəyyən edilməlidir. Günahkar şəxs müəyyən edilərsə və yol polisi məsul şəxs kimi hansısa bir tərəfi göstərərsə o zaman sığorta şikətinin ödəniş etmək öhdəliyi yaranır, bu zaman sığorta şirkəti ödəniş etməlidir" - deyə o qeyd edib.