Avropa Komissiyası Rusiyanın dondurulmuş aktivlərini Ukraynanın bərpasına göndərməyə hazırlaşır

Avropa Komissiyası Rusiya Federasiyasına qarşı sanksiyalar çərçivəsində aktivlərin müsadirə edilməsinə və Ukraynanın yenidən qurulması üçün istifadə edilməsinə imkan verən qanun layihəsi üzərində işləyir.

"Operativ Media" xəbər verir ki, bu barədə Bloomberg məlumat yayıb.

Məlumata görə, qaydalara əsasən, sanksiyalara məruz qalan aktivlər hazırda dondurulur ki, bu da onlardan istifadəni çətinləşdirir. Bununla əlaqədar, Avropa Komissiyası artıq çirkli pulların yuyulması və korrupsiyanın da daxil olduğu cinayətlər siyahısını Aİ sanksiyalarının pozulmasını da əhatə etməklə genişləndirməklə Aİ ölkələrinin səlahiyyətlərini artırmağı planlaşdırır.