"Bakı və İrəvan arasında sülh danışıqları Rusiya, Azərbaycan və Ermənistan liderlərinin 2020-2022-ci illərdə imzalanmış üçtərəfli razılaşmalar çərçivəsində aparılır".

"Operativ Media" xəbər verir ki, bunu Rusiyanın Azərbaycandakı səfiri Mixail Evdokimov RİA-ya bildirib.

"Əhəmiyyətlidir ki, iki tərəf (Bakı və İrəvan - red.) arasında danışıqlar Rusiya, Azərbaycan və Ermənistan liderlərinin 2020-2022-ci illərdə imzalanmış üçtərəfli razılaşmalar çərçivəsində aparılır. Gələcək müqavilənin razılaşdırılması ilə yanaşı, nəqliyyat kommunikasiyalarının açılması, sərhədin delimitasiyası və demarkasiyası, həmçinin vətəndaş cəmiyyətləri arasında əlaqələrin qurulması da müzakirə olunur", - o, qeyd edib.