Ötən ayın əvvəlində Çində Covid-19 siyasətində qəfil istiqamət dəyişikliyi və sərt nəzarət tədbirlərinin yumşaldılmasından sonra 60 minə yaxın insanın öldüyü bildirilir.

"Operativ Media" xəbər verir ki, Milli Səhiyyə Komissiyası, Çində tədbirlərin ləğvinin elanından sonra 8 dekabr 2022-ci il və 12 yanvar 2023-cü il tarixləri arasında virus səbəbiylə 59,938 ölüm baş verdiyini söyləyib.

Komissiyanın Tibb İşləri üzrə Direktoru Ciao Yahui, 5 min 503 xəstənin Kovid-19 infeksiyası səbəbiylə tənəffüs çatışmazlığından, 54 min 435 xəstənin isə xərçəng və ürək-damar xəstəlikləri kimi xroniki xəstəliklərlə əlaqəli ağırlaşmalardan öldüyünü açıqlayıb.

Ciao ölənlərin orta yaşının 80,3 olduğunu və onların 90 faizinin 65 və daha yuxarı yaşda olan insanlar olduğunu bildirib.