Erməni işğalından azad edilən Azərbaycanın Sırxavənd kəndində yeni kütləvi məzarlıqlar aşkar edilib.

"Operativ Media" xəbər verir ki, Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev bunu “X” sosial platformasında paylaşımında bildirib.

"Ermənistanın Azərbaycana qarşı 30 ildir davam edən hərbi təcavüzünün ən ağır nəticələrindən biri də itkin düşmüş şəxslərin taleyidir. 4000-dən çox azərbaycanlı Ermənistan tərəfindən həbs düşərgələrində işgəncələrə məruz qalaraq öldürülüb və kütləvi məzarlıqlarda basdırılıb. Ermənistan bu günə qədər bu cinayətlərə görə məsuliyyət daşıyan bir nəfəri də cəzalandırmayıb. Əksinə, onlar tərifləndi və mükafatlandırıldı. Ermənistan kütləvi məzarlıqların yeri ilə bağlı bütün tarixi və məlumatları gizlədir." - paylaşımda qeyd edilib.

Hikmət Hacıyev əlavə edib ki, Ermənistan bütün bu cinayətlərə görə dövlətin məsuliyyətini etiraf etməklə keçid ədalətinə və münaqişədən sonrakı barışığa həqiqi sadiqliyini nümayiş etdirməli və bütün hərbi cinayətkarları müvafiq qaydada araşdırıb cəzalandırmalıdır.