Gürcüstanın hakim partiyası prezidentin seçki saxtakarlığı ilə bağlı sözlərini biabırçılıq adlandırıb

Gürcüstan prezidenti Salome Zurabişvilinin parlament seçkilərinin saxtalaşdırıldığı barədə iddiaları biabırçılıqdır.

"Operativ Media" xəbər verir ki, bunu jurnalistlərə hakim “Gürcü arzusu - Demokratik Gürcüstan” partiyasının baş katibi, Tbilisi meri Kaxa Kaladze deyib.

"Salome Zurabişvili [prezidentlikdən] təqaüdə çıxan şəxsdir. Bu adamın bir neçə ayı qalıb. Onun dünən verdiyi spekulyativ bəyanatlar biabırçı idi", - o deyib.

Qeyd edək ki, oktyabrın 26-da Gürcüstanda parlament seçkiləri keçirilib. Mərkəzi Seçki Komissiyasının məlumatına görə, hakim “Gürcü arzusu – Demokratik Gürcüstan” partiyası 54,08 faiz səs toplayaraq qalib gəlib.