Azərbaycan cüdoçuları 9-10 noyabrda Macarıstanın Dyör şəhərində keçirilən yeniyetmələr arasında Avropa Kuboku turnirində 1 qızıl və 1 bürünc medal əldə edib.

"Operativ Media" xəbər verir ki, Azərbaycan təmsilçiləri yarışda medal əyarına görə ümumi hesabda 5-ci, oğlanlar arasında isə 3-cü yeri tutub.

İki gün davam edən yarışda Azərbaycan oğlanlar arasında 8 çəki dərəsində 21 cüdoçu ilə təmsil olunub. Cüdoçularımız turnirin ilk günündə 1 qızıl medal əldə edib.

Turnirin ikinci günündə oğlanlar arasında -90 kq. çəkidə Canpolad Əliyev bürünc medal qazanıb. +90 kq. çəkidə Cavidan Məsimov isə 5-ci yerə çıxıb.