Əhəmiyyətli günəş və külək ehtiyatlarına malik Azərbaycan COP29-da dayanıqlı inkişafda və karbohidrogen sektorunda emissiyaların azaldılmasında liderliyini nümayiş etdirmək imkanına malikdir.

"Operativ Media" xəbər verir ki, bunu Amerika Birləşmiş Ştatlarının Azərbaycandakı səfiri Mark Libbi (Mark Libby) deyib.

Səfir qeyd edib ki, Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir.

Səfir COP29-un ev sahibinə, bütün iştirakçılara və dünyaya uğurlu COP29 arzuladığını qeyd edib: “Mən ABŞ nümayəndə heyətinə, Azərbaycan COP29 ev sahiblərinə, bütün iştirakçılara və əslində bütün dünyaya uğurlu COP29 arzulamaq istərdim".