21 Noyabr 2024, 23:12
Hikmət Hacıyev: "Politico"dan saxta məqaləsini geri götürməsini tələb edirik
"Politico" nəşri iddia edib ki, Avropa hətta COP29 zamanı Azərbaycandan qaz almaqla bağlı danışıqlar aparır. Məqalədə həmçinin iddia edilir ki, bu Rusiya üçün yaxşı xəbərdir.
"Operativ Media"nın xəbərinə görə, Azərbaycan Prezidentinin köməkçisi Hikmət Hacıyev nəşrə cavab verib:
"Bu çirkin dezinformasiya nümunəsindən başqa bir şey deyil. Avropa jurnalistikasının və media standartlarının belə aşağı səviyyəyə düşməsi, yumşaq desək, biabırçılıqdır. Bircə fakt bu yazını tamamilə təkzib edir: 2024-cü ildə Azərbaycan Rusiyadan heç bir qaz idxal etməyib. Azərbaycanın qaz hasilatı beynəlxalq tərəfdaşlarla əməkdaşlıq çərçivəsində həyata keçirilir. İstehsal və ixracın həcmi hamıya aydın görünür.
Azərbaycan mövcud resursları və razılaşdırılmış müqavilələri əsasında tərəfdaşlarının enerji təhlükəsizliyinə töhfə verməyə davam edəcək. Biz "Politico"dan üzr istəməsini və bu saxta məqaləni geri götürməsini tələb edirik".
