Bəzi qərb ölkələri son günə kimi COP29-u baykot etməyə çalışdılar, amma buna nail ola bilmədilər - ŞƏRH

Bu sözləri "Operativ media"ya açıqlamasında Millət vəkili Məlahət İbrahimqızı deyib.

BMT-nin İqlim Dəyişmələri üzrə Çərçivə Konvensiyasının Tərəflər Konfransı bu günə qədər bir neçə xarici ölkədə keçirilib. Azərbaycan isə bu konfransa ev sahibliyi edən ölkələrdən biridir. 44 günlük Vətən müharibəsi dövründə və keçən ilki anti-terror əməliyyatından sonra 200 dövlətin bu tədbirin ölkəmizdə keçirməsi üçün bizə səs verməsi böyük bir hadisədir. Bu ölkələrin COP29-un Azərbaycanda keçirilməsinə səs vermələri bir daha göstərir ki, Azərbaycan həm 44 günlük Vətən müharibəsində, həm də anti-terror əməliyyatında haqlı davasını müdafiə edib".

Bəzi qərb ölkələri COP29-u keçirildiyi son günə qədər boykot etməyə çalışdılar, amma buna nail ola bilmədilər. 80-dən çox prezident, dövlət rəhbəri, vitse-prezident və nazirin bu konfransa qatılması çox böyük bir rəqəmdir. Həmçinin, 196 ölkədən 70 mindən çox iştirakçının bu tədbirdə yer alması çox əlamətdar bir hadisədir.

Qərb strukturlarının əksəriyyəti, xüsusən də Avropanın bir neçə ölkəsinin təzyiqi altındadır. Həmin ölkələrə "başçılıq" edən dövlətlər isə Fransa və Niderlanddır.

Burada kiçik bir məqama toxunmaq istəyirəm: 44 günlük Vətən müharibəsi dövründə Niderland parlamenti Azərbaycana qarşı 41 qərar qəbul edib. Təsəvvür edin ki, bu ölkə yalnız parlamentində Azərbaycanla bağlı müzakirələr aparıb və qərarlar qəbul edib, sonra gediblər. Görün, nə qədər gülünc bir siyasət aparırlar.

Sonda bir daha qeyd etmək istəyirəm ki, COP29 müasir tariximizin uğurlu səhifəsinə yazılacaq hadisədir".