"Operativ Media" xəbər verir ki, Ermənistanın İqtisadiyyat nazirinin müavini Narek Hovakimyan bəyan edib ki, proqram Çabahar strateji limanında iqtisadi fəaliyyətin müxtəlif formatlarını ehtiva edir.

O, bu haqda Yerevanda keçirilən Ermənistan-Hindistan biznes forumu çərçivəsində keçirilən mətbuat konfransında danışıb.

“Hazırda Ermənistan, Hindistan və İran arasında üçtərəfli formatda ciddi danışıqlar aparılır. Hələlik ətraflı məlumat verə bilməsəm də, deyə bilərəm ki, layihə sınaq mərhələsindədir və müəyyən miqdarda yük artıq yoldan keçib".

Hovakimyan vurğulayıb ki, nəzərdə tutulan marşrut infrastruktur istifadəyə verildikdən sonra regional nəqliyyatın əsas arteriyalarından birinə çevrilə bilər. Ermənistan Hindistan və digər Asiya ölkələrinə çıxışı asanlaşdırmaq üçün Çabahar limanını idarə etməyi hədəfləyir.

Layihə İranın Çabahar limanını Şimal-Cənub beynəlxalq magistral yoluna birləşdirməyi nəzərdə tutur.