Kobaxidze: Gürcüstan sanksiyalara görə Ukraynadan rəsmi bildirişlər almayıb

"Operativ Media" xəbər verir ki, bunu ölkənin Baş naziri İrakli Kobaxidze bildirib.

“Hələ rəsmi bildiriş almamışıq. Sanksiyaların tətbiqi Ukraynada çətin vəziyyətdən xəbər verir”, - deyə baş nazir brifinqdə bildirib.

Bundan əvvəl Ukrayna Prezidenti Vladimir Zelenski Gürcüstanın baş naziri İrakli Kobaxidze, hakim “Gürcü Arzusu” partiyasının təsisçisi Bidzina İvanişvili və Gürcüstan hakimiyyətinin daha 17 nümayəndəsinə qarşı sanksiya tətbiq edilməsi haqqında fərman imzalayıb.