"Operativ Media" xəbər verir ki, Tramp açıqlamasında Rusiya-Ukrayna müharibəsinə toxunub və Rusiya prezidenti Vladimir Putinin onunla görüşmək istədiyini bildirib.

"O (Putin) mənimlə görüşmək istəyir. Bu görüşü biz təşkil edirik. Prezident Putin görüşmək istəyir, o, bunu açıq şəkildə bildirdi. Biz bu müharibəni bitirməliyik, bu, çox qanlı müharibədir" deyə Tramp bildirib. Lakin sözügedən görüşün nə vaxt keçiriləcəyi ilə bağlı təfərrüata varmayıb.

Tramp əvvəlki açıqlamalarında prezidentliyə başladıqdan sonra Rusiya-Ukrayna müharibəsini ən qısa zamanda bitirmək istədiyini və bu məqsədlə Putinlə görüşməyə hazır olduğunu bildirmişdi.