ABŞ Dövlət Departamenti Azərbaycan səfirliyinə hücumla bağlı bəyanat yayıb. "Operativ Media" xəbər verir ki, bəyanatda deyilir: 

"Birləşmiş Ştatlar bu gün səhər saatlarında Tehranda Azərbaycan səfirliyinə edilən hücumu pisləyir.

Biz Prezident Əliyevin bu qəbuledilməz zorakılığın təcili araşdırılması ilə bağlı çağırışına qoşuluruq.

İstənilən yerdə diplomatlara və ya diplomatik obyektlərə qarşı istənilən hücum qəbuledilməzdir.

Biz İran hökumətinə Cenevrə Konvensiyasına uyğun olaraq İrandakı xarici diplomatları qorumaq məsuliyyətini xatırladırıq".