Slovakiyanın Baş naziri yaxın günlərdə Ukrayna Prezidenti ilə görüşə bilər

"Vladimir Zelenski ilə görüş üçün tarix dəqiqləşdirilir, bu yaxın günlərdə baş tuta bilər".

"Operativ Media" xəbər verir ki, bunu Slovakiyanın Baş naziri Robert Fitso bildirib.

Bundan əvvəl Fitso Vladimir Zelenskiyə açıq məktubunda onu Ukraynanın öz ərazisindən Avropaya qaz tranzitini dayandırması fonunda görüşə dəvət etmişdi. Baş nazir qeyd edib ki, görüş Slovakiya ərazisində Ukrayna ilə sərhədə yaxın ərazidə keçirilə bilər. Buna cavab olaraq Zelenski Fitsonu yanvarın 17-də Kiyevə gəlməyə dəvət edib.