Azərbaycan xarici işlər nazirinin müavini Elnur Məmmədov bu gün Pakistan Baş nazirinin müavini, xarici işlər naziri, senator Məhəmməd İshaq Dara ilə görüşüb.

"Operativ Media" xəbər verir ki, bu barədə Pakistan XİN məlumat yayıb.

Nazir müavini Məmmədov XİN başçısına bu gün keçirilən ikitərəfli siyasi məsləhətləşmələrin 4-cü raundu çərçivəsində apardığı müzakirələr barədə məlumat verib.

Məhəmməd İshaq Dara Pakistan və Azərbaycan arasında ikitərəfli münasibətlərin daha da möhkəmləndirilməsinə sadiqliyini bir daha təsdiqləyib.