İtaliyada Çinin "DeepSeek" süni intellekt tətbiqinə giriş bloklanıb

İtaliya Çinin süni intellekt proqramı DeepSeek-ə girişi blokladığı açıqlanıb.

Operativ Media xəbər verir ki, bu barədə İtaliyanın Fərdi Məlumatların Mühafizəsi Təşkilatı (GPDP) məlumat yayıb.

GPDP tərəfindən edilən yazılı açıqlamada, vətəndaşlarının bu proqramdan istifadə etməsinin qarşısını almaq üçün, "Hangzhou DeepSeek Artificial Intelligence" və "Beijing DeepSeek Artificial Intelligence" şirkətlərinə aid DeepSeek chatbot xidmətinə təcili giriş qadağası qoyulduğu bildirilib.

Qeyd edilib ki, girişin bloklanması ilə yanaşı, eyni vaxtda DeepSeek ilə bağlı araşdırmaya başlanılıb.