Azərbaycan Pakistana başsağlığı verib

Pakistanın Peşavar şəhərində məsciddə törədilən partlayış nəticəsində çoxsaylı insan tələfatı ilə bağlı Azərbaycan Xarici İşlər Nazirliyi Pakistana başsağlığı verib.

"Operativ Media" xəbər verir ki, başsağlığında deyilir:

"Pakistanın Peşəvər şəhərindəki məsciddə terror aktı xəbəri bizi kədərləndirdi. Həlak olanların ailələrinə dərin hüznlə başsağlığı verir və yaralananların tezliklə sağalmasını arzulayırıq. Həmrəyliyimiz və dəstəyimiz qardaş Pakistanladır".