Rəsmi Moskva: Rusiya ilə Azərbaycan arasında gərginlik yaratmaq cəhdləri uğursuzluğa məhkumdur

AZAL təyyarəsinin qəzaya uğraması ilə bağlı "bəxtini sınamaq" və Rusiya ilə Azərbaycan arasında nifaq salmaq cəhdləri uğursuzluğa məhkumdur.

Operativ Media xəbər verir ki, bunu Rusiyanın Xarici İşlər Nazirliyinin rəsmi nümayəndəsi Mariya Zaxarova bildirib.

"Çoxları burada öz bəxtini sınamaq istəyir, amma bu uğursuz olacaq. Çünki xalqlar və ölkələr arasında nifaq salmaq cəhdləri xüsusilə ortaq tarixi, regional məsuliyyəti və inkişaf perspektivləri olan Rusiya və Azərbaycan arasında iflasa məhkumdur", – deyə Zaxarova brifinqdə bildirib.

O əlavə edib ki, Moskva Bakı ilə münasibətlərdə bu cür problemlərin konstruktiv şəkildə həllinə hazırdır.