Türkiyə Ukrayna ilə bağlı danışıqlara ev sahibliyi etməyə hazırdır

Türkiyənin xarici işlər naziri Hakan Fidan Münhen Təhlükəsizlik Konfransında danışıqlar zamanı ABŞ-nin Rusiya və Ukrayna üzrə xüsusi nümayəndəsi Keyt Kelloq və dövlət katibi Marko Rubioya bildirib ki, Ankara Ukrayna ilə bağlı danışıqlara ev sahibliyi etməyə hazırdır.

Operativ Media xəbər verir ki, bunu "Türkiyə" qəzeti mənbələrə istinadən xəbər verir.

Qeyd edək ki, Rusiya xarici işlər naziri Sergey Lavrov və Rusiya prezidentinin köməkçisi Yuri Uşakov bu gün Ər-Riyadda ABŞ nümayəndələri ilə görüşəcəklər. Görüş ilk növbədə Rusiya-Amerika münasibətləri kompleksinin bərpasına həsr olunacaq.