Braziliya prezidenti Luiz İnasio Lula da Silva fevralın 10-da ABŞ-a səfər edəcək.

"Operativ Media" xəbər verir ki, Ağ Evin mətbuat katibi Karine Jean-Pierre verdiyi yazılı açıqlamada Braziliya prezidenti Lulanın fevralın 10-da paytaxt Vaşinqtonda Baydenlə görüşəcəyini açıqlayıb.

Baydenin görüş zamanı ABŞ-ın Braziliyanın demokratik dəyərlərinə sarsılmaz dəstəyini çatdıracağını ifadə edən Jan-Pier, liderlərin regionda və dünyada demokratik dəyərlərin təbliği istiqamətində əməkdaşlığı müzakirə edəcəklərini bildirib.

"Prezidentlər həmçinin iqlim dəyişikliyi ilə mübarizə, ərzaq təhlükəsizliyinin qorunması, iqtisadi inkişafın təşviqi, sülhün və təhlükəsizliyin möhkəmləndirilməsi və regional miqrasiyanın idarə edilməsi daxil olmaqla, ümumi problemlərin həlli üçün Birləşmiş Ştatlar və Braziliyanın birgə fəaliyyətini necə davam etdirə biləcəyini müzakirə edəcəklər", - Jan-Pier bildirib.