"Rusiya ABŞ-yə nadir torpaqlar sahəsində birgə işləmək imkanı təklif etməyə hazırdır. Bizdə bu ehtiyatlar Ukraynadan da çoxdur".

"Operativ Media" xəbər verir ki, bunu Rusiya prezidenti ölkəsinin mətbuatına açıqlamasında bildirib.

ABŞ prezidenti Donald Trampın Ukrayna prezidenti Vladimir Zelenskiyə prezident seçkiləri ilə bağlı göstəriş verdiyinə diqqət çəkən Putin, "Trampın Ukraynadakı siyasi vəziyyəti yaxşılaşdırmaq istədiyinə inanıram. Bu təşəbbüs Rusiyanın deyil, Ukraynanın marağındadır" deyə bildirib.

Rusiya məlumatlarına görə, Zelenskinin prezident olmaq şansının aşağı olduğunu bildirən Putin, "Onun səs payı ən yaxın siyasi rəqibi, Londona sürgün edilmiş Ukraynanın keçmiş Baş Qərargah rəisi Valeri Zalujnidən düz iki dəfə azdır" deyib.

Putin ABŞ və Ukrayna arasında nadir torpaq elementləri ilə bağlı razılaşma haqqında da danışıb:

"Bunun bizə aidiyyəti yoxdur. Rusiya ABŞ-yə nadir torpaq elementləri sahəsində birgə işləmək imkanı təklif etməyə hazırdır. Bizdə bu ehtiyatlar Ukraynadan da çoxdur. Rusiya bu nadir torpaq elementləri ehtiyatlarına görə şəksiz liderlərdən biridir".