Ermənistan XİN müavini Britaniya rəsmisi ilə Azərbaycanla normallaşma prosesini müzakirə edib

Ermənistanın xarici işlər nazirinin müavini Paruyr Hovhannisyan Böyük Britaniya Xarici İşlər Nazirliyinin (XİN) xüsusi nümayəndəsi Kris Allanı qəbul edib.

Operativ Media xəbər verir ki, onlar Ermənistanın Azərbaycanla münasibətlərin normallaşması prosesi, eləcə də Cənubi Qafqazda sabitliyin, davamlı sülhün təmin edilməsi ilə bağlı müzakirələr aparıblar.

Bununla yanaşı, Ermənistan və Böyük Britaniya arasında ikitərəfli məsələlər ətrafında fikir mübadiləsi aparılıb.