Türkiyə Xarici İşlər Nazirliyi Xocalı soyqırımı 33-cu ildönümü ilə bağlı bəyanat yayıb.

Operativ Media xəbər verir ki, bəyanatda qeyd olunub:

"1992-ci il fevralın 26-da Azərbaycanın Xocalı şəhərində Ermənistan silahlı qüvvələri tərəfindən günahsız dinc əhalinin qətliamını pisləyirik. Xocalıda qətlə yetirilən 613 qardaşımızın, yaralananların, əsir düşüb itkin düşən bütün azərbaycanlıların ağrıları hələ də ürəyimizdədir. Xocalı faciəsində həyatını itirənlərə Allahdan rəhmət diləyir, Azərbaycan xalqına bir daha başsağlığı veririk", - deyə bəyanatda qeyd olunub.