Fərid Şəfiyev: Ukraynadakı hadisələr Avropaya ərazi bütövlüyü prinsipinin mühüm olduğunu göstərdi

Ukraynada baş verən hadisələr Avropaya bir daha ərazi bütövlüyü prinsipinin əhəmiyyətinin nə dərəcədə böyük olduğunu göstərdi.

Operativ Media  xəbər verir ki, bu barədə Beynəlxalq Münasibətlərin Təhlili Mərkəzinin (BMTM) İdarə Heyətinin sədri Fərid Şəfiyev Belqradda keçirilən “Cənubi Qafqaz: Əməkdaşlıq üçün çağırışlar və imkanlar” mövzusunda təşkil edilən dəyirmi masada danışıb.

Onun sözlərinə görə, Transatlantik məkanda baş verən tranformasiyalara, yəni ABŞ-nin avropalı tərəfdaşlarına dəstəyinin mümkün azaldılması prosesi Qara dəniz və Cənubi Qafqaz regionlarına təsirsiz ötüşməyəcək.

BMTM sədri həmçinin İkinci Qarabağ müharibəsinin nəticələrindən söz açaraq vurğulayıb ki, müharibənin nəticələri beynəlxalq hüququn universal prinsiplərinin əhəmiyyətini sübut edib:

“Geosiyasi baxımdan bu müharibə regiondakı dinamikanı dəyişmiş oldu. Sovet İttifaqı dağıldıqdan sonra bu region Rusiya tərəfindən idarə olunan keçmiş sovet məkanı kimi qəbul edilirdi. İkinci Qarabağ müharibəsindən sonra isə mənzərə dəyişdi və Türkiyənin bölgədəki rolu daha da artdı”.