Avropa İttifaqı ABŞ-yə rüsumlarla bağlı xəbərdarlıq edib

Aİ Komissiyasının sözçüsü Olof Gill Brüsseldə keçirilən gündəlik mətbuat konfransında ABŞ prezidenti Donald Trampın Aİ-yə qarşı gömrük rüsumlarının tətbiqi ilə bağlı açıqlamalara qiymətləndirmələr edib.

"Operativ Media" xəbər verir ki, Gill Aİ-nin azad və ədalətli ticarətə qarşı ədalətsiz maneələrə qəti və sürətli cavab verəcəyini bildirib və Avropadakı istehlakçıları və biznesləri qoruyacaqlarını vurğulayıb.

ABŞ prezidenti Trampın “Aİ ABŞ-ni məhv etmək üçün yaradılıb” fikri ilə bağlı suala "Bəzən bu şeylərə cavab verməli olduğumuza inanmaq çətindir. Biz inanırıq ki, Aİ yarandığı gündən ABŞ üçün xeyir-dua olub" deyə Gill  cavab verib.