İtaliyanın baş naziri Giorgia Meloni Brüsseldə keçirilən fövqəladə Aİ Liderlər Zirvəsindən sonra İtaliya mətbuatına açıqlamalar verib.

"Operativ Media" xəbər verir ki, Meloni Avropadan Ukraynaya sülhməramlılar göndərməkdənsə, daha qalıcı həll yollarını nəzərdən keçirməli olduqlarını və bunu effektiv həll yolu kimi görmədiyini bildirib.

Meloni NATO-ya üzv dövlətlərin Avropada və ya Şimali Amerikada bir və ya bir neçəsinə qarşı silahlı hücumun hamısına qarşı hücum sayılacağını və hücuma məruz qalan üzv dövlətə yardım göstərməsini tələb edən 5-ci maddəyə işarə edərək, "NATO-nun 5-ci maddəsinin genişləndirilməsi daha daimi həll yolu ola bilər. Bu, NATO-ya üzv olmaqdan fərqlidir, lakin bu, NATO ölkələrinin əhatə dairəsini genişləndirmək deməkdir. Təkliflərimizdən biri budur" deyib.

AB Komissiyasının sədri Ursula von der Leyen tərəfindən "yenidən silahlanma" olaraq xarakterizə edilən plana toxunan Meloni, "Yenidən silahlanmanın uyğun bir ifadə olduğunu düşünmürəm. Bu, müdafiə, xammal və bir çox başqa sahəni əhatə edir. Vətəndaşlara açıq bir mesaj vermirik" deyərək şərh edib.