İran: "Nüvə silahı istehsal etmirik, lakin hücum edilərsə, bunu etməyə məcbur olacağıq"

İran lideri Ayətullah Əli Xameneinin müşaviri və parlamentin keçmiş sədri Əli Laricani dövlət televiziyasında iştirak etdiyi proqramda dəyərləndirmələr edib.

Operativ Media xəbər verir k, ABŞ-nin ölkəsinə qarşı təhdidlərinə toxunan Laricani deyib ki, İran nüvə silahı istehsal etmək gücünə malikdir, lakin onlar Xameneinin kütləvi qırğın silahları ilə bağlı fətvasına uyğun olaraq nüvə silahı istehsalına doğru hərəkət etmirlər.

ABŞ-nin Milli Kəşfiyyat Direktoru Tulsi Qabbardın İranın nüvə silahı istehsal etmədiyinə dair kəşfiyyat məlumatlarının qüvvədə olduğunu bildirdiyi son çıxışına işarə edən Laricani, "Həm fətvamızın olduğunu, həm Beynəlxalq Atom Enerjisi Agentliyinin nəzarəti altında fəaliyyət göstərdiyimizi, həm də silaha yönəlmədiyimizi deyirik, lakin bir səhvə yol versəniz, İranı bu istiqamətə məcbur edəcəksiniz" deyə bildirib.