Ermənistan tərəfindən basdırılmış minalar azərbaycanlı mülki əhalisinin təhlükəsizliyini və rifahını təhlükə altına almaqda davam edir.

Operativ Media xəbər verir ki, bu barədə XİN "X" hesabında paylaşım edib. 

"Bu gün Ağdamda daha bir mülki şəxs mina partlayışının qurbanı olub.2020-ci il müharibəsinin bitməsindən indiyədək mina partlayışı nəticəsində ümumilikdə 387 azərbaycanlı həlak olub və ya ağır yaralanıb.Biz beynəlxalq ictimaiyyəti bu kritik problemin həllində mənalı siyasi və praktiki dəstək verməyə çağırırıq",- məlumatda qeyd olunub.