Belarusun baş naziri Rusiyaya rəsmi səfərə gedib

Belarusun baş naziri Aleksandr Turçin Rusiyaya rəsmi səfərə yola düşüb.

Operativ Media xəbər verir ki, Belarus hökumətinin mətbuat xidmətinin məlumatına görə, o, burada Rusiyanın baş naziri Mixail Mişustinlə danışıqlar aparacaq.

Belarus və Rusiya Federasiyasının hökumət başçıları Rusiya-Belarus ticarət-iqtisadi əməkdaşlığının cari məsələlərini, habelə İttifaq dövlətində inteqrasiya qarşılıqlı fəaliyyətini müzakirə edəcəklər. Sənaye, enerji, o cümlədən dinc nüvə enerjisi, nəqliyyat infrastrukturu və rəqəmsal iqtisadiyyat sahələrində birgə layihələrin həyata keçirilməsinə xüsusi diqqət yetiriləcəyi gözlənilir.