Respublikaçı senator Lindsi Qrem iddia edir ki, İran altı atom bombası hazırlamaq üçün kifayət qədər yüksək səviyyədə zənginləşdirilmiş urana malikdir.

Operativ Media xəbər verir ki, o, bu haqda "Fox News" telekanalına müsahibəsində bildirib

“Onların altı bomba hazırlamaq üçün kifayət qədər zənginləşdirilmiş uranı var. Onlar bunu istifadə edəcəklər. İran altı nüvə bombası toplamağa çox yaxındır. Onlar İsraili məhv edəcəklər, sonra isə bizim üstümüzə gələcəklər.”

Siyasətçi bu məlumatın haradan alındığı barədə heç bir sübut təqdim etməyib və izahat verməyib. Bununla belə, 7 martda ABŞ Silahlı Qüvvələrinin Mərkəzi Komandanlığının (CENTCOM) rəhbəri general Maykl Kurilla bildirib ki, Tehran nüvə silahı yaratmaq barədə qərar qəbul etməyib. Yanvar ayının ortalarında İran Prezidenti Məsud Pəzəşkian "NBC News" telekanalına müsahibəsində bildirib ki, Tehran nüvə silahı yaratmaq məqsədi güdmür.

7 martda ABŞ Prezidenti Donald Tramp İranın ali lideri ayətullah Əli Xameneiyə nüvə proqramı ilə bağlı danışıqlar aparmaq təklifi ilə müraciət etdiyini açıqlayıb. Bazar ertəsi məlum olub ki, tərəflər ilk danışıqlar raundunu 12 aprel tarixində Omanda keçirməyə razılaşıblar.