09 Aprel 2025, 08:45
Tramp: "ABŞ əczaçılıq məhsullarına rüsumlar tətbiq edəcək"
ABŞ prezidentinin sözlərinə görə, onların üstünlüyü ondan ibarətdir ki, onlar böyük bazarı təmsil edirlər.
ABŞ administrasiyası idxal edilən əczaçılıq məhsullarına gömrük rüsumları tətbiq etmək niyyətindədir.
Operativ Media xəbər verir ki, bunu ABŞ prezidenti Donald Tramp çərşənbə axşamı paytaxtda Respublikaçıların Milli Komitəsi üçün vəsaitin toplanması tədbirində çıxışı zamanı deyib.
"Biz üzərimizə düşəni edəcəyik. Biz əczaçılıq məhsullarına tariflər tətbiq edəcəyik. Bizim hamıdan üstünlüyümüz odur ki, biz böyük bazarıq. Ona görə də yaxın gələcəkdə biz əczaçılıq məhsullarına böyük tariflərin tətbiqini elan edəcəyik", - Amerika lideri qeyd edib.