ABŞ dövlət katibi Rubio İranla birbaşa danışıqları dəyərləndirib.

Operativ Media xəbər verir ki, o, bu haqda prezident Donald Trampın sədrliyi ilə Ağ Evdə keçirilən Nazirlər Kabinetinin iclasında danışıb.

"Sizin sayənizdə şənbə günü mühüm görüş olacaq, (Trampın xüsusi nümayəndəsi) səfir (Stiv) Witkoff və yüksək rütbəli İran rəsmisi arasında uzun müddət ərzində ilk birbaşa danışıqlar olacaq. Ümid edirik ki, bu, sülhə gətirib çıxaracaq", - Rubio Trampa müraciət edərək deyib.

Rubio, İranın heç vaxt nüvə silahına sahib olmayacağına dair fikirlərini təkrarlayaraq, ABŞ-nin bu mövzuda çox aydın olduğunu və birbaşa danışıqların məhz bu səbəbdən aparılacağını bildirib.

2018-ci ildə ölkəsini İranla nüvə sazişindən birtərəfli qaydada çıxaran ABŞ prezidenti Donald Tramp ötən ay İran lideri Ayətullah Əli Xameneiyə məktub göndərərək İranla birbaşa nüvə danışıqlarına çağırıb.