ADF2025 işə başlayıb

Türkiyədə IV Antalya Diplomatiya Forumu (ADF2025) işə başlayıb.

Operativ Media xəbər verir ki, tədbir “Parçalanan dünyada diplomatiyaya sahib çıxmaq” mövzusunu əhatə edir.

Dörd mindən çox qonağın qatılacağı ADF2025-də dünyanın 140-dan çox ölkəsindən 20-dən artıq dövlət və hökumət başçısının iştirakı nəzərdə tutulur. Tədbirdə 50-dən çox ölkə xarici işlər nazirləri də daxil olmaqla, 70-dən artıq nazirlə təmsil edilir. Foruma, həmçinin təxminən 60 yüksəksəviyyəli beynəlxalq təşkilatın nümayəndələri qatılır.

 Qeyd edək ki, Azərbaycan Prezidenti İlham Əliyev ADF-də iştirak etmək üçün ötən gün Türkiyəyə səfərə gəlib.