Antalya Diplomatik Forumu 2025 çərçivəsində Azərbaycan Respublikasının xarici işlər naziri Ceyhun Bayramov Şimali Kipr Türk Cümhuriyyətinin xarici işlər naziri Tahsin Ərtuğruloğlu ilə görüş keçirib.

Operativ Media xəbər verir ki, bu barədə XİN məlumat yayıb.

Görüş zamanı regional və beynəlxalq təşkilatlar çərçivəsində çoxtərəfli əməkdaşlıq məsələləri müzakirə olunub.

Bu kontekstdə Türk Dövlətləri Təşkilatının rolu xüsusi vurğulanıb.

Tərəflər həmçinin regional təhlükəsizlik məsələləri ilə bağlı fikir mübadiləsi aparıblar.