İranın xarici işlər naziri Abbas Əraqçi aprelin 17-də Rusiyaya rəsmi səfərə gələcək.

Operativ Media TASS-a istinadən xəbər verir ki, bu barədə İslam Respublikasının səfiri Kazım Cəlali məlumat verib.

"Abbas Əraqçi sabah Moskvaya səfər edərək yüksək rütbəli rəsmilər ilə məsləhətləşmələr aparacaq", - o, X-də yazıb.

Səfirin sözlərinə görə, gündəliyə ikitərəfli münasibətlərin, regional əməkdaşlığın və beynəlxalq arenada qarşılıqlı fəaliyyətin təşviqi məsələləri daxildir.

Səfər zamanı Omanda Tehran və Vaşinqton arasında danışıqların gedişatının müzakirə ediləcəyi də gözlənilir.