Mirzoyan: Sülh müqaviləsini Azərbaycan-Ermənistan sərhədində imzalamaq kimi düşüncələrimiz var

Bir neçə ölkə bizə Azərbaycanla Sülh müqaviləsini imzalamaq üçün öz paytaxtlarını təklif edir.

Operativ Media xəbər verir ki, bunu Ermənistanın xarici işlər naziri Ararat Mirzoyan deyib.

"Bir neçə ölkə bizə Azərbaycanla Sülh müqaviləsini imzalamaq üçün öz paytaxtlarını təklif edir. Lakin bizim bu müqaviləni Azərbaycan-Ermənistan sərhədində imzalamaq kimi düşüncələrimiz də var". - deyə o vurğulayıb.

Ermənistan XİN qeyd edib ki, Azərbaycanın Konstitusiyası 1918-ci il İstiqlal Bəyannaməsinə istinad edir: "Həmin bəyannaməyə görə, Azərbaycanın ərazisi indikindən qat-qat böyük idi və hazırki Ermənistanın ərazisinin 60 faizini də əhatə edirdi. Yəni bizim də Azərbaycan Konstitusiyası ilə bağlı narahatlıqlarımız var, amma biz bunu gündəmə gətirmirik", - deyə o bildirib.