Paşinyan: "Qarabağ uğrunda hərəkatların davam etdirilməsi erməni dövlətçiliyi üçün dağıdıcı olacaq"

"Qarabağ uğrunda hərakatların davam etdirilməsi erməni dövlətçiliyi üçün dağıdıcı olacaq".

Operativ Media xəbər verir ki, bunu Ermənistanın Baş naziri Nikol Paşinyan Respublika Parlamentində çıxışı zamanı bildirib.

"Çoxları hesab edir ki, "Qarabağ hərəkatı" erməni dövlətçiliyindən daha vacibdir. Hakimiyyətin əksəriyyəti və mən şəxsən bəyan edirəm ki, "Qarabağ hərəkatı"nın davam etdirilməsinə hər hansı bir cəhd dağıdıcı olacaq, çünki bu, Ermənistana qarşı dövlətçiliyi, suverenliyi və müstəqilliyi əngəlləyən bir vasitə olub və olacaq", - o, qeyd edib.

Onun sözlərinə görə, "Qarabağ hərəkatı obyektiv olaraq başa çatıb".