Tramp ABŞ-nin Ukrayna üzrə danışıqlar prosesindən çıxa biləcəyini istisna etmir

ABŞ Prezidenti Donald Tramp bəyan edib ki, onun rəhbərlik etdiyi administrasiya Ukrayna böhranının sülh yolu ilə həlli üçün aparılan danışıqlardan imtina edə bilər.

Operativ Media xəbər verir ki, bu barədə o, Ağ Evdə jurnalistlərə açıqlamasında bildirib.

Prezidentin sözlərinə görə, əgər tərəflərdən biri danışıqlar prosesini çətinləşdirərsə, ABŞ bu prosesdən çəkilə bilər:

"Ola bilər ki, hansısa səbəbdən iki tərəfdən biri bu prosesi çox çətinləşdirəcək. O zaman biz sadəcə deyəcəyik: 'Siz axmaqsınız, siz ağılsızsınız, siz dəhşətli insanlarsınız'. Və biz bu işdən imtina edəcəyik. Amma ümid edirəm ki, bunu etməyə məcbur qalmarıq", – deyə Tramp vurğulayıb.