Tayland-ABŞ ticarət danışıqları qeyri-müəyyən müddətə təxirə salınıb

Donald Tramp administrasiyası tərəfindən gömrük məhdudiyyətləri məsələsinin həlli üçün Tayland və ABŞ arasında ticarət danışıqları qeyri-müəyyən müddətə təxirə salınıb.

Operativ Media xəbər verir ki, bu barədə krallığın baş naziri Fetonqtan Şinavatra məlumat verib.

"Danışıqlar təxirə salınıb. Təfərrüatlar Nazirlər Kabinetinin iclasından sonra məlum olacaq".

Şinavatra bundan əvvəl ticarət danışıqlarının aprelin 23-nə planlaşdırıldığını bildirmişdi. Taylandın nümayəndə heyətinə baş nazirin müavini və maliyyə naziri Fiçai Çunhavaçira başçılıq etməli idi. Baş nazirin sözlərinə görə, Tayland ABŞ-dən təyyarə və kənd təsərrüfatı məhsullarının idxalını artırmağa hazırdır.