Biz Azərbaycan və Ermənistan arasında sülh sazişini alqışlayırıq və qeyd edirik ki, Gürcüstan regionda sülhün və əməkdaşlığın möhkəmlənməsinə töhfə verməyə hazırdır.

Operativ Media xəbər verir ki, bunu Gürcüstanın XİN başçısı Maka Boçorişvili ATƏT Baş Katibi Feridun Sinirlioğlu ilə birgə mətbuat konfransında deyib.

“Biz bir daha Azərbaycan və Ermənistan arasında sülh sazişini alqışlayırıq və qeyd edirik ki, Gürcüstan regionda sülhün və əməkdaşlığın möhkəmlənməsinə töhfə verməyə hazırdır. Şadam ki, keçən həftə Tbilisidə Xarici İşlər Nazirlikləri arasında üçtərəfli görüş keçirildi. Görüş ilk dəfədir ki, Gürcüstan, Ermənistan və Azərbaycanın Xarici İşlər nazirlikləri arasında keçirilib və ümid edirəm ki, bu formatda biz regionun rifahı naminə əməkdaşlıq edə biləcəyik”, - Boçorişvili qeyd edib.