Cənubi Qafqaz ölkələri bölgədə uzunmüddətli sülhün və sabit inkişafın təmin olunması üçün motivasiya olunub və səfərbərdir.

Operativ Media xəbər verir ki, bu fikirləri Gürcüstan Prezidenti Mixeil Kavelaşvili Ermənistana rəsmi səfərindən sonra jurnalistlərə açıqlamasında bildirib.

“Bundan əvvəl Azərbaycanda səfərdə idim və orada da oxşar atmosfer müşahidə olunur. Üç ölkənin liderləri demək olar ki, yekdil şəkildə sabitliyə, sülhə və iqtisadi inkişafa ehtiyac olduğunu vurğulayırlar. Siyasi sabitlikdən sonra enerji, turizm və mədəniyyət sahələrində də əməkdaşlıq gündəmə gələcək. Mən inanıram ki, bu proses müsbət nəticələnəcək”, – deyə Gürcüstan Prezidenti qeyd edib.