İlham Əliyev Moskvada keçiriləcək Qələbə Paradında iştirak etməyəcək - YENİLƏNİB

Prezident İlham Əliyev, 2025-ci il mayın 9-da Moskvada keçiriləcək Qələbə Paradında iştirak etməyəcək.

Operativ Media xəbər verir ki, Azərbaycan liderinin Moskva səfərini ləğv etməsinə təsir göstərən bəzi amillər səbəb olub.

Qeyd edək ki, AZAL-ın sərnişin təyyarəsinin qəzaya uğramasından 5 ay keçsə də, Rusiya tərəfindən hər hansı əməliyyat istintaq tədbirləri aparılmayıb, eləcə də bu hadisədə günahı olanlar tapılaraq məsuliyyətə cəlb olunmayıb.

Eyni zamanda, bir müddət əvvəl Azərbaycanın bir sıra media resurslarına kiberhücumların Rusiyadan edildiyi təsdiqini tapıb. Moskva bu məsələyə də aydınlıq gətirməyib.

Bundan başqa, bir neçə gün əvvəl Azərbaycan parlamentinin üzvü Azər Badamovun Rusiyaya girişinə qadağa qoyulub, o, Moskvada aeroportda saxlanılaraq, deportasiya edilib. Rusiya tərəfi isə məsələ ilə bağlı əsaslandırılmış hər hansı açıqlama verməyib.

Bütün bu amillərin Azərbaycan Prezidentinin Moskvaya səfərinin təxirə salınmasına təsir göstərdiyi bildirilir.

19:22

Prezident İlham Əliyev, 2025-ci il mayın 9-da Moskvada keçiriləcək Qələbə Paradında iştirak etməyəcək.

Operativ Media xəbər verir ki, bu barədə Rusiya Prezidentinin köməkçisi Yuri Uşakov bidirib.