Yaponiya hökuməti Rusiya və Çinin birgə bəyanatında yer alan militarizm ittihamları ilə qəti şəkildə razılaşmır.

Operativ Media xəbər verir ki, bu məsələni Yaponiya Nazirlər Kabinetinin baş katibi Yoşimasa Hayaşi keçirdiyi növbəti mətbuat konfransında qaldırıb.

"Biz hesab edirik ki, ölkəmizin militarizmdən uzaqlaşması ilə bağlı bəyanatlar tamamilə yanlışdır", - o qeyd edib.

Hayaşi vurğulayıb ki, "Yaponiya müharibədən sonrakı illərdə getdiyi dinc dövlət yolunu davam etdirəcək". "Və bu, gələcəkdə dəyişməyəcək", - Yaponiya hökumətinin baş katibi əlavə edib.

Eyni zamanda, Hayaşi bir daha Rusiyanın Ukraynadakı hərəkətlərini, eləcə də Çinin bölgədəki hərbi fəaliyyətini tənqid edib. “Ümid edirik ki, hər iki ölkə digər ölkələri tənqid etmək əvəzinə diqqətini bu problemlərin həllinə yönəldəcək", - deyə Hayaşi bildirib.