Nazir: Partlayışların baş verdiyi ərazilərlə bağlı Ermənistan mina xəritəsi təqdim etməyib

"Ermənistan tərəfindən mina xəritələri ilk dəfə 2021-ci ildə Azərbaycana təqdim edilib".

Operativ Media xəbər verir ki, bunu jurnalistlərə açıqlamasında Azərbaycanın xarici işlər naziri Ceyhun Bayramov deyib.

Nazir bildirib ki, mütəxəssislər bu sənədləri tam detallı öyrənib: "Yararlılığı 25%-dən çox deyil. 2020-ci ilin noyabrından sonra 400-ə yaxın mina hadisəsi baş verib. Baş verən partlayışın baş verdiyi ərazilərlə bağlı Ermənistan ümumiyyətlə mina xəritəsi təqdim etməyib".