"Bu gün günortadan sonra əziz qardaşım, Prezident İlham Əliyevlə telefon danışığımız oldu".
Operativ Media xəbər verir ki, bunu Pakistanın Baş naziri Şahbaz Şərif "X"də etdiyi paylaşımda bildirib.
"Cənubi Asiyada son böhran zamanı Pakistanın yanında qətiyyətlə duran Azərbaycana göstərdiyi sarsılmaz dəstəyə görə ona səmimi təşəkkürümü bildirdim. Azərbaycan xalqının və rəhbərliyinin nümayiş etdirdiyi bu qardaşlıq və həmrəylik bütün dünyaya göstərdi ki, Pakistan və Azərbaycan həqiqi dost və qardaş ölkələrdir.
Söhbət zamanı həmçinin, Azərbaycanın Pakistana yatırdığı və gələcəkdə planlaşdırılan sərmayələr vasitəsilə ikitərəfli tərəfdaşlığımızın daha da dərinləşdirilməsi yollarını müzakirə etdik. Prezident İlham Əliyevi ən qısa zamanda İslamabada rəsmi səfərə dəvət etdiyimi bir daha məmnuniyyətlə vurğuladım", - paylaşımda deyilir.
