Rubio: ABŞ nümayəndəsi İstanbulda Rusiya-Ukrayna danışıqlarında iştirak edəcək

İstanbulda Rusiya ilə Ukrayna arasında keçiriləcək danışıqlarda Amerika administrasiyasının nümayəndəsi iştirak edəcək.

Operativ Media xəbər verir ki, bunu ABŞ dövlət katibi Marko Rubio Antalyada jurnalistlərin suallarını cavablandırarkən bildirib.

Planlaşdırılan danışıqların formatı ilə bağlı suala Rubio belə cavab verib: “Mən İstanbulda Türkiyənin xarici işlər naziri Hakan Fidan və Ukrayna nümayəndə heyəti ilə görüşəcəyəm. Onlarla görüşüm olacaq. Komandamızdan kimsə Rusiya ilə danışıqlara cəlb olunacaq. Onlar aşağı səviyyəli qrup göndəriblər. Mən ümid edirəm ki, bu danışıqlar Ukrayna və Rusiya arasında, türk həmkarlarımızın, eləcə də komandamızın bəzi nümayəndələrinin və ya müvafiq səviyyədə üzvlərinin iştirakı ilə baş tutacaq”, – ABŞ dövlət katibi əlavə edib.