Macarıstanda Türk Dövlətləri Təşkilatının qeyri-rəsmi Zirvə görüşü keçiriləcək

20–21 may tarixlərində Macarıstanın paytaxtı Budapeşt şəhəri Türkdilli Dövlətlərin Təşkilatının (TDT) Qeyri-rəsmi Zirvə Toplantısına ev sahibliyi edəcək.

Operativ Media xəbər verir ki, Zirvə görüşü Macarıstanın Baş naziri Viktor Orbanın dəvəti ilə keçiriləcək.

Toplantıda Türkiyə Prezidenti Rəcəb Tayyib Ərdoğan, Azərbaycan Prezidenti İlham Əliyev, Özbəkistan Prezidenti Şavkat Mirziyoyev, Qazaxıstan Prezidenti Kasım-Jomart Tokayev, Qırğızıstan Prezidenti Sadır Japarov, eləcə də TDT-nin Baş katibi iştirak edəcək.

Qeyd edək ki, bu, Macarıstanın təşkilatda müşahidəçi statusuna malik olan ilk və yeganə Avropa ölkəsinin TDT formatında ev sahibliyi etdiyi ilk yüksək səviyyəli toplantıdır.

Zirvə görüşündə regional əməkdaşlıq, siyasi və iqtisadi inteqrasiya, enerji, nəqliyyat və mədəni əlaqələrin dərinləşdirilməsi məsələlərinin müzakirə olunacağı gözlənilir.

Budapeştdə keçiriləcək bu tədbir Macarıstanın Şərq və Qərb arasında geosiyasi körpü rolunu gücləndirməsi və Türkdilli dövlətlərlə strateji tərəfdaşlığını möhkəmləndirməsi baxımından xüsusi əhəmiyyət daşıyır.