Prezident İlham Əliyevin Macarıstana səfəri gözlənilir

Sabah Macarıstanın paytaxtı Budapeştdə Türk Dövlətləri Təşkilatına (TDT) üzv ölkələrin dövlət başçılarının qeyri-rəsmi Zirvə görüşü keçiriləcək.

Operativ Media xəbər verir ki, 20-21 may tarixlərində baş tutacaq tədbirdə Azərbaycan Prezidenti İlham Əliyevin də iştirak edəcəyi gözlənilir.

Bundan əlavə, tədbirdə Qazaxıstan, Qırğızıstan, Türkiyə və Özbəkistanın prezidentlərinin də iştirakı planlaşdırılıb.

Qeyd edək ki, bu Sammit TDT tarixində ilk dəfə müşahidəçi ölkə tərəfindən keçiriləcək.